Reglement KVED - De Kook '59

Reglement Kook Van Eige Deig

Reglement betreffende ut inzende, deilneme en selektere van de vastelaovesliedjes veur "Kook van Eige Deig"

Artikel 1: Algemein

De inzenders van de liedjes waere geach op de huuegte te zien van dit reglement.
De eindverantwoording van Kook van Eige Deig is in heng van de commissie Kook Van Eige Deig van Vastelaovesvereiniging De Kook.
De organisasie van Kook van Eige Deig is in de heng van de commissie Kook van Eige Deig van Vastelaovesvereiniging De Kook.
As der mieër as 12 liedjes ingesjreve waere is der ein meugelijkheid det der ’n veurseleksie plaats zal vinge.
De besjlissing heej euver wuuert bepaald door de commisie Kook Van Eige Deig
In alle gevalle waor in dit reglement neet veurzuut besjlis de organisasie commissie Kook van Eige Deig in euverleg met Vastelaovesvereiniging “De Kook”

Artikel 2: De inzending

De liedjes mótte digitaal ingesteurd waere en wel veur 1 augustes op het ongersjtaonde mailadres sjtaon.
Insjrieve digitaal deent te gebeure op kved@dekook.nl
Beej de insjrieving huuere alle ongersjtaonde gegaeves aanwezig te zien:

De volledige tekst in ein word-bestand (times new roman 12)
’N digitale opname in MP3-bestand met daorop ein ingezonge versie van de melodielieën of ein melodielieën ingesjpeuld oëtsjloëtend in ein piano/keybaord of orgel partie.
Ein word-bestand met daor op:

1. De titel van ’t liedje.
2. De naam van de oeëtveurende van ’t liedje. En ’t aantal persoeëne i.v.m. microfoons.
3. De Naam van de tekstdichter en de naam van de componist.
4. Uch winse wat betreft ’t arrangement dus tempo, welke instrumenten en eventueel welke soort melodie (wals, polka, mars)

Idder liedje deent appart en volledig digitaal te waere ingesjteurt.
Ein inzending mot qua tekst en muziek uniek zien det wil zegge gèn “COVERS” en gèn nummers die al ierder urges angers op eine liedjesaovend hebbe meij gedaon of op ein of angere geluidsdrager zien opgenaome.
Eine bepaolde naam van ‘ne teksdichter of componis meug maar 4 kieër veur kómme. Veur oeëtveurende is gèn grens gesteld aan ‘t aantal kieër meidoon.
De tekst deent gericht te zien op ’t Baolders dialect (dit um ’t Baolders dialect instand te haoje).
De organisasie zorg veur ‘n arrangement en ‘ne muziekbank veur de begeleiding van de artiesten. Let op, op de begeleidingsbank meuge gen ingezonge 2e sjtumme of koren sjtaon.
As ut arrangement door de oeëtvuuerende is goodgekeurd waere der aan tekst en muziek gèn verangeringe mieër aangebracht.
Communicatie met de arrangeur is in heng van de commissie Kook Van Eige Deig.
De muziekbank zal veur idderein van gelijke kwaliteit zien.

Artikel 3: De veurseleksie

De organisasie besjlist of der wel of gen veurselektie plaats vingt.
De organisasie zal d’r nao sjtreve ‘m dezelfde juryleje te höbbe op, zoewel de veurseleksie, as aoch op de liedjesaovend zelf.
Euver de samestelling, die in principe op deskundigheid wuuert bepaold, besjlis allein de organisasie.
Op de veurseleksie waere de liedjes twieë kier gebrach, eine kier in verkorte vorm. De volgorde wuuert door loeëting bepaold.
Veur deze veurseleksieaovend wuuert op korte termieën van te veure ‘ne repetietieaovend gehaoje.
Oet ‘t totaal aantal gezonge liedjes waere 12 liedjes gekaoze die mei kenne doon in de finale tiedes “Kook van Eige Deig”
De entree op de veurseleksie is, vreej veur zoewel teksdichters, componiste as ouch zanger(s)(essen). Dit geldt natuurlijk ouch veur de organisasie, jury en de minse van ‘t geluid.
De loeëting van optraejes vingt plaats op de generale repetitie aovend van Kook van Eige Deig.

Artikel 4: De aovend “Kook Van Eige Deig”

“Kook van Eige Deig” is’n liedjesfinale waorop 4 liedjes waere gekaoze. Alle liedjes waere op deze aovend twieë kier gepresenteerd.
De organisasie zorg veur ‘n arrangement en ‘ne muziekbank veur de begeleiding van de artiesten. Let op, op de begeleidingsbank meuge gen ingezonge 2e sjtumme of koren sjtaon.
De muziekbank zal veur idderein van gelijke kwaliteit zien.
As artieste gebroeëk wölle make van figurante den deent dit uuterlijk 14 daag veur de generale repetitie beej de commissie Kook Van Eige Deig te waere bekend gemaakt. Zeej beslisse den of t mieërwaarde haet veur de finale van de liedjesaovend.
De vriedaag veur Kook Van Eige Deig zal der ’n generale repetitie plaats vinge.
De organisasie bepaolt de jurering, waor beej de vakjury en ‘t publiek idder eine inbring höbbe.
De jury bepaolt de nummers 1, 2 en 3.
De zaaljury bepaolt de nummer 4.
As de zaalpriës beej de iërste dreej eindigt wuuert de nummer veer van de vakjury automatisch veerde.
De teksdichters, componiste en zanger(s)(essen) van de finaliste höbbe op de liedjesaovend gratis entree.
Ut winnende liedje van “Kook van Eige Deig” wuuert door vastelaovesvereiniging “De Kook” afgevaardigd nao ‘t regionale liedjesfestival van P&M. (alle zangers en of zangeresse motte wel 16 jaor of aojer zien)
De 4 winnende liedjes waere op de website van de Kook geplaatst.

Artikel 5: De muziekopname

De verantwaordelikheid veur de opname van de 4 winnende liedjes is in heng van de commisie Kook Van Eige Deig en Vastelaovesvereiniging “De Kook”
De commisie Kook Van Eige Deig bepaold in euverleg met de teksdichters en de componiste op welke wieze de winnende liedjes waere opgenaome, det wölt zegge det de verangeringe die eventueel aangebrach waere, de kwaliteit van ‘t product mõtte verbaetere. Oetgangspunt mót wel blieëve: Zoeë wie de nummers waere ingeleverd zoeë waere ze ouch opgenaome.
De commisie Kook Van Eige Deig en Vastelaovesvereiniging “De Kook” bepaold waor, onger welke leiding, en wanier dees opnames plaats vinge.
De commisie Kook Van Eige Deig en Vastelaovesvereiniging “De Kook” is ten alletieje eindverantwaordelijk veur de kwaliteit van de studio opname. Dit geldt veur zoewel de opname as ouch veur detgene wat opgenaome wuurt.
In idder geval waere teks en muziek van de veer winnende liedjes opgenaome. v.v. “De Kook” behaojd zich ‘t rech veur um heej ein willekeurig aantal liedjes aan toe te voege.
De zanger(s)(essen) zien verplich aan de studio opname meij te doon. Teksdichters en componiste meuge beej de opname van eur liedje aanwezig zien, ein en anger in euverleg met de opnameleider.
As artieste live muziekanten willen toevoegen aan heur arrangementen den zien de daobeej kommende kosten veur eige raekening.
Indien artieste ‘n eige opname höbbe gemaakt in ein angere studio welke volduidt aan de kwaliteitseissen den ken dees in euverleg op de website gezatte waere. Heej veur waere gèn kosten vergoed door “De Kook”.
De zanger(s)(essen) van de 4 winnende liedjes zien verplich eur meiwerking te verliene op de jaorliks door v.v. “De Kook” en “Jeugd Vastelaovend Baolder” georganiseerde vaste evenemente aanwezig te zien.
De commisie Kook Van Eige Deig en Vastelaovesvereiniging “De Kook” zal zorgdragen det de studio opnames klaor zien veur de sjloeëtings datum van ’t LVK.

Reglement Kook Van Eige Deig

Reglement betreffende ut inzende, deilneme en selektere van de vastelaovesliedjes veur "Kook van Eige Deig"

Commissie "Kook van Eige Deig" 2024