Frans van Heur

Helaas is ós wir eine troewe Vastelaovesvierder óntvalle.

Vuuels te vreug is van ós haergegaon Frans van Heur. ’T allein zien veel ‘m zjwaor.
Nao jaorelang sirremoniemeister van de Kook te zien gewaes haet Frans in 1986 de skepter van regelateur van de Kook euvergedrage aan Arno Janssen.
Frans waas onnaovolgbaar in zien zieër attente en sjerpe opmerkinge as hae op de bühne sjtóng. Dao vulde hae zich den ouch good thoes.
In 1991 zjwaaide Frans de skepter euver ’t Kookeriek as Prins Frans II. Ouch heej waas hae altied erg attent mèt zien opmerkinge wat altied erg gewaardeerd woord.
We zulle Frans as Vastelaovesvierder erg gaon misse. Neet allein beej de Kook met zeker ouch beej de Aod Prinse wao Frans die aoj garde altied wel aan ’t lache kreeg óndanks zien ziekte.

Vur de kenners van de Baolderse Vastelaovend res mich ein Vastelaoveskonklusie “Sjeng en Sjraar” zien wir beejein

Arno Janssen

In Arno Janssen verluus Baolder eine Carnavalist in hert en niere.

Nao in 1980 Adjudant te zien gewaes is Arno 2 jaor later toegetraoje toet ’t besjteur waonao Arno in 1987 Frans van Heur opvolgde as sirremoniemeister. Dees taak haet Arno jaorelang sjtreng doch rechvaerdig volbrach.
Had altied ein wäördje klaor en waas zieër gevat en sjerp met zien opmerkinge.
En det alles met de nuuedige humor. Arno is altied eine Kook aanhanger gebleve en waas regelmaotig present op de versjillende activiteite van de Kook. Weej winse Tiny, Coen, Bas, Ellen en kleinkinger hiel vuuel sjterkte toe in deze moejliken tied.

Names ’t besjteur en leje van Vastelaovesvereiniging de kook.

Wiel Hoezen

Ein van de oprichters van Vastelaovesvereiniging “de Kook” Wiel Hoeze haet is in de gezaegende leeftied van 87 jaor nao ein kort ziekbed mótte verlaote. Wiel waas in 1965 ein van de mede-oprichters van de Kook. Nao zien actieve inzet veur de Kook is Wiel wies d’n daag van vandaag lid van de Kook gebleve. As besjteurslid was hae altied hiel actief beej ’t organizere van de diverse activiteite. Zoeë zörgde hae d’r veur det d’n optoch good verleep en alle deilnimmers de nuuedige aandach krege. Ouch as penningmeister letde Wiel altied good op de kleintjes er woort d’r noeits te vuuel oetgegaeve. Eine man die de Vastelaovend in Baolder ein werm hert toedroog en wao we nów nog vuuel aan te danke höbbe. Nao zien actieve lidmaatsjap woort Wiel beneump toet Ieërelid en ware Wiel en Miep nog op alle Prónkzittinge van de Kook aanwezig. De prónkzittinge welke Wiel jaore lang as besjteurslid organiseerde. Dit jaor zuuj Wiel de 60e Prónkzitting belaeve. Mer helaas, door ein kortsjtóndige ziekte is det d’r neet mieër van meuge kómme. Names de Kook danke weej Wiel (en Miep) veur de jaorelange inzet veur de Kook en winse weej Miep, de kinger, kleinkinger en euverige femilieleje hiel vuuel sjterkte toe in deze moeiliken tied.

We zullen ‘m zeker gaon misse.

Agenda

Vastelaovend 2019 3, 4 en 5 Mieërt
  • Zaoterdig 13 Oktoeëber KVED totaal
  • Zaoterdig 11 November Insjete Vastelaovend
  • Zaoterdig 17 November, Café Centraal, CD prissentasie en kaarteverkoup pronkzitting
  • Zaoterdig 15 December Hierezitting
  • Vriedig 1 Fibberwari Jeugprinsebal
  • Zaoterdig 2 Fibberwari Prinsebal 20.11 oor
  • Zondig 3 Fibberwari Donateurskaarte verkoup tot en met 11 Fibberwari
  • Vriedig 8 Fibberwari Prónkzitting 20.00 oor
  • Zaoterdig 9 Fibberwari Prónkzitting 20.00 oor
  • Zaoterdig 16 Fibberwari Seniorezitting Unitas
  • Zaoterdig 23 Fibberwari Boeremoosbal
  • Zondig 24 Fibberwari Kranteverkoup
  • Vriedig 1 Mieërt Sjoëlebezeuk, aansjloëtend programma
  • Zaoterdig 2 Mieërt Aafhaole JeugPrins(es) aansjloëtend Vastelaovesmis en Jeugprinse recepsie
  • Zondig 3 Mieërt Aafhaole Prins, aansjloëtend recepsie etc
  • Maondig 4 Mieërt Vastelaovesmaondig, Optog
  • Dinsdig 5 Mieërt Boérebroelof
  • Woensdig 6 Mieërt Aswoensdig
  • Woensdig 6 Mieërt Hiëringsjelle

Programma