Reglement betreffende ut inzende, deilneme en selektere van de vastelaovesliedjes veur "Kook van Eige Deig"

Artikel 1: Algemein

  1. De inzenders van de liedjes waere geach op de huugte te zien van dit reglement
  2. De eindverantwaording van "Kook van Eige Deig is in de heng van Vastelaovesvereiniging "De Kook"
  3. De organisasie van "Kook van Eige Deig" is in de heng van de commissie "Kook van Eige Deig"
  4. Der kenne maximaal 12 liedjes meidoon op "Kook van Eige Deig"
  5. As der mier den 12 liedjes waere ingesjteurd is der ein veurseleksie
  6. In alle gevalle woë in dit reglement neet veurzuut beslis de organisasie commissie kook van eige deig in euverleg met Vastelaovesvereiniging "De Kook"

Artikel 2: De inzending

  1. Van de liedjes mótte ingesteurd waere en veur 1 augustes beej Huub Beekman waere ingeleverd:
    1. Ein CD of ein digitaal bestand met daorop ein ingezonge versie van de melodie lien of ein melodie lien ingesjpeuld oëtsjloëtend in ein piano/keybaord of orgel partie.
    2. Op ein A4 duudelik getikte tekst.
    3. De tekst mot ouch digitaal waere aangeleverd beej Huub Beekman: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
    4. Idder liedje huuert appart digitaal of op ein cd te waere ingesjtuuerd.
  2. Op ut insjriefformulier sjtaon de titel, de name van de componis, de teksdichter en de oetvoerende. Op de teks en de CD sjtaon allein de titel en de oetvoerende.
  3. De liedjes mótte veur eine, door de organisasie bepaolde datum ingesjteurd waere, en dit is 1 augustes. De door de organisasie bepaolde inzendtermien is bindend, waobeej as verzenddaag d'n daag van de posstempel geldt. Aafgaeve meug oug op ein door de organisasie van te veure bekend gemaakt adres. Huub Beekman Rubensstraat 23 Baarlo. Liedjes die dus later waere ingesjteurd of aafgegaeve waere neet mier toegestjaon.
  4. Eine bepaolde naam van eine teksdichter of componis meug mer 4 kier veur kômme. Veur oetvoerende is gen grens gesjteld aan ut aantal kier meidoon.
  5. Ein inzending mot qua tekst en muziek uniek zien det wil zegge gèn "COVERS" en gèn nummers die al ierder urges angers op ein of angere geluids drager zien opgenaome.

Artikel 3: De veurseleksie

  1. De organisasie beslist of der ein veurselektie plaats vinkt.
  2. De organisasie zal der nao streve öm dezelfde jurylede te höbbe op,zoewel de veurseleksie, as aog op de liedjesaovend zelf. Euver de samestelling, die in principe op deskundigheid wuurt bepaold, beslis allein de organisasie.
  3. Op de veurseleksie waere de liedjes twië kier gebrach, eine kier in verkorte vorm. De volgorde wuurt door de organisasie bepaold.
  4. De organisasie zorg veur un arrangement en unne muziekband veur de begeleiding van de artietsen. Let op, op de begeleidings band meuge gen ingezonge 2e sjtumme of koren sjtaon.
  5. Veur deze veurseleksieaovend wuurt op korte termien van te veure eine repetietieaovend gehaoje.
  6. Oet ut totaal aantal gezónge liedjes waere 12 liedjes gekaoze die mei kenne doon in de finale tiedes "Kook van Eige Deig"
  7. De entree op de veurseleksie is, vreej veur zoewael teksdichters, componiste as oug zanger(s)(essen). Dit geldt natuurlijk oug veur de organisasie, jury, muzikanten en de minse van ut geluid.
  8. As ut arrangement door de oeëtvuuerende is goodgekeurd waere der aan tekst en muziek gèn verangeringe mieer aangebracht.
  9. De loeëting van optraejes vingt plaats op de finale aovend van Kook van Eige Deig.

Artikel 4: De aovend "Kook van Eige Deig"

  1. "Kook van Eige Deig" is eine liedjesfinale waorop 4 liedjes waere gekaoze. Alle liedjes waere op deze aovend twië kier gepresenteerd.
  2. Veur de begeleiding van de liedjes is de organisasie verantwaordelijk en ken bestjaon oet eine muziekbank of oet begeleiding door ein of mier profesionele muzikante. De begeleiding zal veur idderein ut zelfde zien. Let op, op de begeleidings band meuge gen ingezonge 2e sjtumme of koren sjtaon. En ouch meug d'r genne live muziek of begeleiding zien op de buhne met de liedjes aovend.
  3. Veur deze liedjesaovend wuurt op korte termien van teveure eine repetisieaovend georganiseert.
  4. De organisasie bepaolt de jurering, waobeej de vakjury en ut publiek idder eine inbring höbbe.
  5. De jury bepaolt de nummers 1, 2 en 3
  6. De zaaljury bepaolt de nummer 4 det op de CD wuurt gezatte. Als de zaalpriës beej de iërste dreej eindigt wuurt de nummer veer van de vakjury als veerde op de CD gezatte.
  7. De teksdichters, componiste en zanger(s)(essen) van de finaliste höbbe op de liedjesaovend gratis entree.
  8. Ut winnende liedje van "Kook van Eige Deig" wuurt door vastelaovesvereiniging "De Kook" afgevaardigd nao ut regionale liedjesfestival van P &M. ( alle zangers en of zangeresse motte wel 16 jaor of aojer zien )
  9. De 4 winnende liedjes waere op ein CD opgenaome.

Artikel 5: De muziekopname

  1. De verantwaordelikheid veur de opname van de CD is in heng van vastelaovesvereiniging "De Kook"
  2. v.v. "De Kook" bepaold in euverleg met de teksdichters en de componiste op welke wieze de winnende liedjes waere opgenaome, det wult zegge det de verangeringe die eventueel aangebrach waere, de kwaliteit van ut product môtte verhuëge. Oetgangspunt mót waal blieve: Zoë wie de nummers waere ingeleverd zoë waere ze oug opgenaome.
  3. v.v. "De Kook" bepaold wao, onger wiens leiding, en wenier dees opname plaatsvink.
  4. v.v. "De Kook" is ten alletiede eindverantwaordelijk veur de kwaliteit van de CD. Dit geldt veur zoewel de opname as oug veur detgene wat opgenaome wuurt.
  5. In idder geval waere teks en muziek van de veer gekaoze liedjes opgenaome. v.v. "De Kook" behaojd zich ut rech veur öm heej ein willekeurig aantal liedjes aan toe te voege.
  6. De zanger(s)(essen) zien verplich aan de muziekopname mei te doon.Teksdichters en componiste meuge beej de opname van eur liedje aanwezig zien, ein en anger in euverleg met de opnameleider.
    1. Als artieste live muziekanten willen toevoegen aan heur arrangementen den zien de daobeej kommende kosten veur eige raekening.
    2. Indien artieste ein eige opname höbbe gemaakt welke volduidt aan de kwaliteits eissen den ken dees in euverleg op de cd gezatte waere. Heej veur waere gèn kosten vergoed door "De Kook ".
  7. Op ein door v.v. "De Kook" vas te stelle presentasie van de CD, zoewel as op de jaorliks door v.v. "De Kook" en "Jeugd Vastelaovend Baolder" georganiseerde vaste evenemente zien de zanger(s)(essen) van de winnende liedjes verplich eur meiwerking te verliene.
  8. Indien de cd later wuuert gepresenteerd as de inzending van het LVK zal de commissie zorgdragen veur ein mp3 opname. Dees opname meug neet gekopieerd waere.

Commissie "Kook van Eige Deig" 2015

Agenda

Vastelaovend 2020 23, 24 en 25 Fibberwari
  • Zaoterdig 12 Oktoeëber KVED totaal
  • Maondig 11 November Insjete Vastelaovend
  • Zaoterdig 16 November, Café De Zwaan, CD prissentasie en kaarteverkoup pronkzitting
  • Vriedig 24 Jannewari Jeugprinsebal
  • Zaoterdig 25 Jannewari Donateurskaarte verkoup tot en met 6 Fibberwari
  • Zaoterdig 25 Jannewari Prinsebal 20.11 oor
  • Vriedig 31 Jannewari Prónkzitting 20.00 oor
  • Zaoterdig 1 Fibberwari Prónkzitting 20.00 oor
  • Zaoterdig 8 Fibberwari Seniorezitting Unitas
  • Vriedig 14 Fibberwari Jong Nederland
  • Zaoterdig 15 Fibberwari Boeremoosbal
  • Zondig 16 Fibberwari Kranteverkoup
  • Vriedig 21 Fibberwari Sjoëlebezeuk, aansjloëtend programma
  • Zaoterdig 22 Fibberwari Aafhaole JeugPrins(es) aansjloëtend Vastelaovesmis en Jeugprinse recepsie
  • Zondig 23 Fibberwari Prinserecepsie etc
  • Maondig 24 Vastelaovesmaondig, Optog
  • Dinsdig 25 Fibberwari Boérebroelof
  • Woensdig 26 Fibberwari Aswoensdig
  • Woensdig 26 Fibberwari Hiëringsjelle